Լրահոս Շոու-բիզնես

Արմուշի որդու` Դանիի դերասանական առաջին քայլերն ԱՄՆ–ում

Загрузка...

ԱՄՆ–ում բնակություն հաստատած դերասան Արմուշի որդին` Դանին, առաջին քայլերն է արել դերասանական ոլորտում։ Որդու աշխատանքային նորության առաջին մանրամասները Արմուշը վստահել է Tert.am Life–ին ու պատմել, որ Դանին  նկարահանվել է  USArmenia TV–ի նոր հեռուստասերիալում, որը կոչվում է Intrigue։

«Կարելի է ասել, Դանին մարմնավորում է գլխավոր դերերից մեկը»,– ուրախությամբ ասաց հայրիկն ու պատմեց, թե ինչպես է որդին ընդգրկվել դերասանական կազմում,–  Այդ հեռուստասերիալի գլխավոր հերոսուհիներից մեկին մարմնավորում է լուսահոգի Վարդուհի Վարդանյանի զարմուհին` Լիլի Վարդանյանը։ Մի առիթով նա մեր տանն էր, ասաց, որ սերիալում խաղալում համար փնտրում են լուրջ բնավորությամբ, գեղեցիկ արտաքինով, անգլերենի իմացությամբ տղա երեխա, քանի որ կան տեսարաններ նաև ամերիկացի դերասանների հետ։ Քանի որ Լիլին արդեն ստեղծագործական ընթացքում էր, պատկերացրել էր Դանիին այդ դերում, մեզ առաջարկեց, որ նա մասնակցի քասթինգին, ռեժիսորին ու սցենարիստին էլ էր առաջարկել Դանիի թեկնածությունը։ Մեզ հրավիրեցին հեռուստաընկերություն, որպեսզի շփվեն Դանիի հետ։ Այնտեղ մեզ սպասում էր ամբողջ ստեղծագործական խումբը` ի դեմս դերասան Զորոյի։ Ներս մտնելուն պես ողջունեցին Դանիին, Դանիի պատասխան բարևից անմիջապես հետո Զորոն ասաց` ինքն է ու վերջ։ Դանիի լրջությունը և շփումը զարմացրել էի նրան։ Մի խոսքով` այդ ամենը տևեց 5 րոպե»։

Արմուշը հայտնեց, որ որդին շատ ոգևորված էր, անհամբեր սպասում էր նկարահանումներին, հատկապես, երբ իմացավ, որ նաև դրամատիկ տեսարաններ է ունենալու։ Նկարահանումների ընթացքին հայրը ներկա չի եղել, նա էլ անհամբերությամբ սպասում է պրեմիերային, որպեսզի հետևի որդու խաղին ու տա իր գնահատականը։ Արմուշը ևս ոգևորված է 10–ամյա որդու հաջողությամբ։ «Հիմա ասում են` Դանին Արմուշի տղան է։ Երազում եմ գա այն օրը, երբ կասեն` Արմուշը Դանիի պապան է»,– նկատեց նա։

Դերասանն ուզում է, որ որդին շարունակի իր ուղին, սակայն դա պետք է լինի նրա ընտրությունը. «Այստեղ իմաստ ունի շարունակել աշխատել այս ոլորտում, քանի որ գաղտնիք չէ, որ ԱՄՆ–ում դերասանի համար շատ մեծ ապագա և  հնարավորություններ կան։ Շատ ուրախ կլինեմ, եթե Դանին ապագայում շարունակի այս ճանապարհն ու ավելի լրջացնի իր քայլերը»։

Դանին հետաքրքրված է նաև շեփորով և շախմատով։ Ծնողները հպարտությամբ նշում են, որ դպրոցում է բարձր առաջադիմություն ունի։

Ամալյա Հովհաննիսյան

580 просмотров
Загрузка...